المره دي وبعد مرور بتاع سنة علي الحادثة الاولنية قلت اكتب لكم تاني لعم وجود امل في حل مشكلة البتاع ده اللي اسمه المترو...
المره دي بدات لما كنت في الشغل ومروح وكان ربنا مايوريكم كده واخد شوية تعديلات قبل ماامشي في صميم المشروع اللي انا شغال فيه...
بس فنازل تايه بقي وزعلان ونازل مع صاحبي جمال عشان نركب المترو ونروح بقي لحد مانشوف حل للتعديلات اللي خدناها دي..
نزلنا بقي المترو وطبعا لبعد المسافة بين مكان عملي ومكان سكني فاول ماشفت المترو من المحطة التانية جاي مارست مهمة المواطن المصري في المترو وهي الجري متسلقا علي سلالم الكوبري في سباق ماراثوني عشان اعدي الناحية التانية قال ايه عشان الحقه...
والحمد لله تمت العملية بنجاح ولحقته.. وكل ده بقي وانا ماشي وكاتم في نفسي كل التعديلات اللي لسه شاربها فدماغي مخبيش عليكم كانت بتلف وهو ده كان السبب في اللي حصل...
واللي حصل ان احنا نزلنا من السلم لقينا المترو في وشنا واقف وفاتح ابوابه ومستنينا بكراسيه الفاضيه !!! معجزة طبعا فقلت لجمال اركب علي طول عشان نلحق المعجزة دي وهي فاضيه
جاي يدخل جمال وانا وراه والناس نازلة من الباب فلقيت جمال بيبعد عن الباب ورايح الباب التاني للعربية وبيقول حاجة.. فانا قلت هو لسه هايدلع ويختار اي باب يخش منه... انا هاخش من هنا بقي وخلاص...
بس .. انا دخلت من هنا ولقيت الباب بيقفل وجمال لسه ماركبش... ياجمال اركب لقيته مالحقش يركب... اتنرفزت اكتر مانا متنرفز فقعدت اشاور له عشان اقوله استناه في المحطة اللي بعدها لقيته بيضحك ... ايه بقي الغباء ده ؟؟
المترو مشي وانا قلت اتصل بيه عشان اكد عليه... اووووووف ده تليفونه فصل ومابيردش... هي ناقصة بقي... خلاص انا هاكمل بقي مش هاقدر اسيب المترو الفاضي ده عشان انزل المحطة اللي بعدها وممكن هو ماينزلش عشان ماكدش عليا وكان قاعد بيضحك... انا هاكمل عشان مش ضامن كمان المترو اللي بعده هايبقي عامل ازاي...
كملت وخدت رحتي في الكرسي اللي كان فاضي لوحدي، وعمال ابص بقي علي العربية اللي فاضيه مافيهاش غير كان واحدة ست اللي قاعدين معايا.. اه ماهو ماتش مصر اكيد الرجالة كلها رايحة تلحق ماتش مصر بتاع كاس الامم.. يوم تاريخي اللي فيه المترو ده..
جت المحطة اللي بعد كده ولقيت اللي ركب كام واحدة .. تمام اوي كده ماحدش بيركب خالص والدنيا فاضيه... لما اطلع بقي الموبايل اقعد اسمع فيه شوية...
لسه بحط السماعات في ودني ولقيت واحدة بتنادم عليا من اخر العربية.. خير ياحاجة!!
هو حضرتك ليه راكب في عربية السيدات.. كده حضرتك هاتدفع 10 جنيه غرامه... برفع عيني تاني في العربية كلها، والاقيلكم العربية كلها سيدات فعلا وانا اللي قاعد في النص ...
الله علي المنظر اللي انا فيه... عشان كده الدنيا ماشية معجزة وحركات وماحدش بيركب.. اتاري العلملية فيها ان.. رحت قايلهم طبعا اه متاسف ماخدتش بالي ورحت قايم علي طول مستني الباب لما يفتح عشان انزل منه...
ونزلت طبعا من العربية وطبعا عشان القصة تكمل، السواق حبكت معاه ولاول مره في التاريخ انه يقفل بابه بسرعه مع انه بيسيبه مفتوح في اي محطة تانية علي بال ماينزل يشرب له كبايه شاي ويرجع... لكن المره دي ابدا.. قفل الباب ومالحقتش اركب في العربية الرجالي طبعا.. علي بال لما وصلتلها كان قفل ومشي... يلا مش مهم...
ودي كانت قصتي ودي كانت بدايتي في كل مره اشوف فيها المترو جاي من الناحية التانية انزل براحتي السلم واقعد ادور علي العربية اللي في النص اللي مكتوب فيها
"للسيدات فقط حتي التاسعة مساء"
مش عشان اركب فيها طبعا... عشان الحق ابعد عنها بقي يمكن المعجزة تتحقق تاني ويجي فاضي في مره في العربيات الرجالي....!!!
المره دي بدات لما كنت في الشغل ومروح وكان ربنا مايوريكم كده واخد شوية تعديلات قبل ماامشي في صميم المشروع اللي انا شغال فيه...
بس فنازل تايه بقي وزعلان ونازل مع صاحبي جمال عشان نركب المترو ونروح بقي لحد مانشوف حل للتعديلات اللي خدناها دي..
نزلنا بقي المترو وطبعا لبعد المسافة بين مكان عملي ومكان سكني فاول ماشفت المترو من المحطة التانية جاي مارست مهمة المواطن المصري في المترو وهي الجري متسلقا علي سلالم الكوبري في سباق ماراثوني عشان اعدي الناحية التانية قال ايه عشان الحقه...
والحمد لله تمت العملية بنجاح ولحقته.. وكل ده بقي وانا ماشي وكاتم في نفسي كل التعديلات اللي لسه شاربها فدماغي مخبيش عليكم كانت بتلف وهو ده كان السبب في اللي حصل...
واللي حصل ان احنا نزلنا من السلم لقينا المترو في وشنا واقف وفاتح ابوابه ومستنينا بكراسيه الفاضيه !!! معجزة طبعا فقلت لجمال اركب علي طول عشان نلحق المعجزة دي وهي فاضيه
جاي يدخل جمال وانا وراه والناس نازلة من الباب فلقيت جمال بيبعد عن الباب ورايح الباب التاني للعربية وبيقول حاجة.. فانا قلت هو لسه هايدلع ويختار اي باب يخش منه... انا هاخش من هنا بقي وخلاص...
بس .. انا دخلت من هنا ولقيت الباب بيقفل وجمال لسه ماركبش... ياجمال اركب لقيته مالحقش يركب... اتنرفزت اكتر مانا متنرفز فقعدت اشاور له عشان اقوله استناه في المحطة اللي بعدها لقيته بيضحك ... ايه بقي الغباء ده ؟؟
المترو مشي وانا قلت اتصل بيه عشان اكد عليه... اووووووف ده تليفونه فصل ومابيردش... هي ناقصة بقي... خلاص انا هاكمل بقي مش هاقدر اسيب المترو الفاضي ده عشان انزل المحطة اللي بعدها وممكن هو ماينزلش عشان ماكدش عليا وكان قاعد بيضحك... انا هاكمل عشان مش ضامن كمان المترو اللي بعده هايبقي عامل ازاي...
كملت وخدت رحتي في الكرسي اللي كان فاضي لوحدي، وعمال ابص بقي علي العربية اللي فاضيه مافيهاش غير كان واحدة ست اللي قاعدين معايا.. اه ماهو ماتش مصر اكيد الرجالة كلها رايحة تلحق ماتش مصر بتاع كاس الامم.. يوم تاريخي اللي فيه المترو ده..
جت المحطة اللي بعد كده ولقيت اللي ركب كام واحدة .. تمام اوي كده ماحدش بيركب خالص والدنيا فاضيه... لما اطلع بقي الموبايل اقعد اسمع فيه شوية...
لسه بحط السماعات في ودني ولقيت واحدة بتنادم عليا من اخر العربية.. خير ياحاجة!!
هو حضرتك ليه راكب في عربية السيدات.. كده حضرتك هاتدفع 10 جنيه غرامه... برفع عيني تاني في العربية كلها، والاقيلكم العربية كلها سيدات فعلا وانا اللي قاعد في النص ...
الله علي المنظر اللي انا فيه... عشان كده الدنيا ماشية معجزة وحركات وماحدش بيركب.. اتاري العلملية فيها ان.. رحت قايلهم طبعا اه متاسف ماخدتش بالي ورحت قايم علي طول مستني الباب لما يفتح عشان انزل منه...
ونزلت طبعا من العربية وطبعا عشان القصة تكمل، السواق حبكت معاه ولاول مره في التاريخ انه يقفل بابه بسرعه مع انه بيسيبه مفتوح في اي محطة تانية علي بال ماينزل يشرب له كبايه شاي ويرجع... لكن المره دي ابدا.. قفل الباب ومالحقتش اركب في العربية الرجالي طبعا.. علي بال لما وصلتلها كان قفل ومشي... يلا مش مهم...
ودي كانت قصتي ودي كانت بدايتي في كل مره اشوف فيها المترو جاي من الناحية التانية انزل براحتي السلم واقعد ادور علي العربية اللي في النص اللي مكتوب فيها
"للسيدات فقط حتي التاسعة مساء"
مش عشان اركب فيها طبعا... عشان الحق ابعد عنها بقي يمكن المعجزة تتحقق تاني ويجي فاضي في مره في العربيات الرجالي....!!!
1 comment:
لطيف آخر. شكرا
Post a Comment